Konferenca e Barinjve Shqiptarë 2026

Këtë vit nga datat 25-26 Shtator u mbajt Konferenca e Barinjve Shqiptarë. Këtë vit ishte konferenca e 20të që mbahen në Shqipëri. Për vite me radhë Konferenca e Barinjve Shqiptarë e organizuar nga Seminari Teologjik i Evropës Juglindore (SETS) dhe kisha e Hirit Tiranë është përpjekur të sjellë në vëmendje tema dhe çështje të rëndësishme në lidhje me Fjalën e Zotit, shërbesat dhe rëndësinë e shpalljes së ungjillit në trevat shqipfolëse dhe më tej.

Tema e këtij viti ishte “Të Bashkuar në Krishtin: Zhvillimi i Unitetit në Shërbesën e Ungjillit.” Kjo është një temë e rëndësishme që vjen drejtpërdrejt nga Shkrimi i Shenjtë dhe na sfidon që të luftojmë për unitetin e vërtetë të themeluar në Fjalën e Zotit. Pjesëmarrësit u inkurajuan nga mësimet e folësve dhe u sfiduan që të përpiqen të mbajnë kishën e bashkuar për të përmbushur porosinë e madhe: Të bëjmë dishepuj dhe të shpallim ungjillin kudo.

Këto foto pasqyrojnë një pjesë të konferencës. Deri në konferencën e radhës le të lutemi për njëri tjetrin dhe të jemi pranë njëri tjetrit në sfidat dhe gëzimin që Zoti na jep duke na lejuar të jemi të dërguarit e Tij në botën e Tij.

Një nxitje nga Fjala e Perëndisë që është aktuale me temën e konferencës dhe me gjendjen e kishës:

³⁴Po ju jap një urdhërim të ri: ta doni njëri-tjetrin; sikurse unë ju kam dashur, ashtu edhe ju ta doni njëri-tjetrin.
³⁵Prej kësaj do t’ju njohin të gjithë që jeni dishepujt e mi, nëse keni dashuri për njëri-tjetrin.
Gjoni 13:34–35