Seminari Teologjik i Evropës Juglindore
Kush jemi
SETS ekziston për përparimin e Kishës duke i aftësuar besimtarët që të interpretojnë dhe predikojnë Biblën me saktësi. Qëllimi ynë përmblidhet te 2 Timoteut 2:15: “Ji i zellshëm të dalësh përpara Perëndisë si i sprovuar, si punëtor që nuk ka pse të turpërohet, që ndan drejt fjalën e së vërtetës.”
Pse ekzistojmë
Misioni
Ekzistojmë për të lavdëruar Perëndinë duke bashkëpunuar me kishën lokale për të përgatitur dhe zhvilluar udhëheqës të kishës në Shqipëri dhe më gjerë, për të udhëhequr dhe kullotur me besnikëri besimtarët në ungjillin e Porosisë së Madhe të Jezu Krishtit drejt pjekurisë dhe frytshmërisë, siç mësohet në Shkrimet e Shenjta.
Vizioni
Qëllimi ynë është t’i arrijmë kishat në të gjithë Shqipërinë dhe Kosovën me trajnim biblik besnik. Vizioni ynë është t’i shohim kishat të bëhen komunitete të fokusuara në Bibël, ku predikimi ekspozues përdoret për të ushqyer dhe pajisur besimtarët përmes Fjalës së Perëndisë.
Vlerat institucionale
Mendja, shpirti, zemra, dora
Mprehja e mendjes
Thellojmë kuptimin e Shkrimit, që studenti ta ndajë drejt të vërtetën e Perëndisë dhe t’i udhëheqë njerëzit me mençuri.
Inkurajimi i shpirtit
Ndërtojmë pjekurinë shpirtërore përmes disiplinave, mentorimit dhe bashkësisë së vërtetë.
Zbutja e zemrës
Kultivojmë dhembshurinë për të tjerët, shoqërinë kishtare dhe adhurimin e vërtetë të Perëndisë.
Forcimi i dorës
Zhvillojmë aftësitë në shpjegimin biblik dhe rritjen e studentit në përgjegjësitë e udhëheqjes.
Historia
Dy dekada trajnimi biblik
SETS u themelua në vitin 2005 në Tiranë nga dy misionarë dhe një grup pedagogësh që dhanë mësim për vite të tëra në greqisht, hermeneutikë, teologji dhe këshillim (lexo për themeluesit). Që atëherë janë trajnuar mbi 100 udhëheqës e besimtarë në Fjalën e Perëndisë, me të diplomuar në programet e Predikimit dhe Certifikatës së Studimeve Biblike.
Që në fillim SETS është shkollë anëtare e The Master’s Academy International. Përveç programeve, i shërbejmë kishave përmes Konferencës Vjetore të Barinjve dhe botimeve të ndryshme të krishtera në gjuhën shqipe.
- Themeluar në 2005, në Tiranë
- Shkollë anëtare e The Master’s Academy International
- Konferenca Vjetore e Barinjve
- Botime të krishtera në gjuhën shqipe
